თურქეთში გაიმართა მეგობრული და კეთილმეზობლური შეხვედრები, რომლებიც მომგებიანი იყო როგორც ჩვენთვის, ასევე თურქული მხარისთვის, – ამის შესახებ საპარლამენტო პოლიტიკური ჯგუფის, „ევროპელი სოციალისტების“ ლიდერმა, ილია ინჯიამ განაცხადა.
მისი თქმით, საქართველოსა და თურქეთს, საზღვრის გარდა, ბევრი გადაკვეთის წერტილი აქვს, სამომავლოდ ერთმანეთთან შეხვედრები უფრო ხშირი იქნება.
„ძალიან მნიშვნელოვანი და საინტერესო ვიზიტი იყო. ბევრ თემას შევეხეთ. ერთ-ერთი თემა იყო რეგიონში იმ მშვიდობიანი პოლიტიკის შენარჩუნება, რაც დღეს მნიშვნელოვანია. რა თქმა უნდა, ეკონომიკურ მიმართულებასაც შევეხეთ. საქართველოსა და თურქეთს, საზღვრის გარდა, ბევრი გადაკვეთის წერტილი აქვს და სამომავლოდ ერთმანეთთან შეხვედრები უფრო ხშირი იქნება. მეგობრული და კეთილმეზობლური, შედეგიანი შეხვედრები იყო როგორც ჩვენთვის, ასევე თურქული მხარისთვის“, – განაცხადა ილია ინჯიამ.