ისრაელის თავდაცვითი ძალების განცხადებით, ირანის ბირთვულ პროგრამას „მნიშვნელოვანი ზიანი“ მიადგა. როგორც „ცაჰალის“ წარმომადგენლებმა აღნიშნეს, მიყენებული ზარალი „ღრმაა“ და მისი სრულყოფილი შეფასება ამჟამად მიმდინარეობს.
„ირანის ბირთვული პროგრამა მნიშვნელოვნად დაზიანდა, ზიანი ღრმაა და ჩვენ ვაგრძელებთ მისი სიღრმის შეფასებას“, – ნათქვამია ისრაელის არმიის განცხადებაში.
ეს განცხადება ირანის ბირთვულ ობიექტებზე აშშ-ის მიერ განხორციელებული თავდასხმების შემდეგ გაკეთდა, რომლის შედეგადაც, როგორც ცნობილია, დაზიანდა სამი ძირითადი ბირთვული ობიექტი: ფორდო, ნატანზი და ისპაჰანი.
კომენტარები