რუსეთმა უკრაინაზე უპილოტო საფრენი აპარატებით იერიში მიიტანა. სუმიზე თავდასხმის შედეგად სამი ადამიანია დაღუპული, ხოლო ექვსი დაშავებული.
„მტრის თავდასხმის შედეგად სამი მშვიდობიანი მოქალაქე დაიღუპა. მათ შორის იყო რვა წლის ბიჭი, რომელიც სახლის ნანგრევებიდან ამოიყვანეს“, – განაცხადეს სუმის პოლიციაში.
თავდასხმის შედეგად დაახლოებით 30 საცხოვრებელი შენობა და ოთხი ავტომობილი დაზიანდა. იერიშის გამო სუმიში მასშტაბური ხანძარი გაჩნდა, რომელიც უკვე ლოკალიზებულია.
მედიის ცნობით, რუსეთმა ასევე დაბომბა ხერსონი, სადაც ოთხი ადამიანია დაშავებული.
კომენტარები