აშშ-ის პრეზიდენტმა, დონალდ ტრამპმა ისრაელი გააფრთხილა, რომ არ დაბომბოს ირანი, რადგან ეს ცეცხლის შეწყვეტის შეთანხმების უხეში დარღვევა იქნება.
„არ ჩამოაგდოთ ბომბები. თუ ამას იზამთ, ეს ზავის უხეში დარღვევა იქნება. დააბრუნეთ თქვენი პილოტები უკან, ახლავე!“, – დაწერა ტრამპმა თავის სოციალურ ქსელში.
ცნობისთვის, ცოტა ხნის წინ ისრაელმა ირანი ცეცხლის შეწყვეტის შეთანხმების დარღვევაში დაადანაშაულა. ებრაული მხარის მტკიცებით, ირანმა ისრაელის მიმართულებით ორი ბალისტიკური რაკეტა გაუშვა. ოფიციალური თეირანი ბრალდებებს უარყოფს.
გვიან ღამით აშშ-ის პრეზიდენტმა, დონალდ ტრამპმა განაცხადა, რომ ისრაელსა და ირანს შორის სრულად შეთანხმებულია, რომ იქნება სრული და ყოვლისმომცველი ცეცხლის შეწყვეტა 12 საათის განმავლობაში, რის შემდეგაც ომი დასრულებულად ჩაითვლება. მოგვიანებით, ირანი და ისრაელი ცეცხლის შეწყვეტას ოფიციალურად დათანხმდნენ.