“ირანი და ისრაელი იმდენი ხანია ისე სასტიკად ებრძვიან ერთმანეთს, რომ უკვე აღარც კი იციან რა ჯანდაბას აკეთებენ”

ირანი და ისრაელი, იმდენი ხანია, ისე სასტიკად ებრძვიან ერთმანეთს, რომ უკვე აღარც კი იციან, რა ჯანდაბას აკეთებენ, – ამის შესახებ აშშ-ს პრეზიდენტმა, დონალდ ტრამპმა განაცხადა.

ნატო-ს სამიტზე გამგზავრების წინ დონალდ ტრამპმა მკაცრად გააკრიტიკა ისრაელი, რომელმაც, მისი თქმით, შეთანხმება დაარღვია.

„ისრაელი, როგორც კი შეთანხმება დავდეთ, გამოვიდა და უამრავი ბომბი ჩამოყარა, რამდენიც მანამდე არასდროს მინახავს. არნახული რაოდენობის. არ ვარ კმაყოფილი ისრაელით. როდესაც ვთქვი, კეთილიი, ახლა 12 საათი გაქვთ, პირველივე საათში, რაც გაგაჩნია, ყველაფერს არ ისვრი, ამიტომ არ ვარ კმაყოფილი ისრაელით. არც ირანით ვარ კმაყოფილი“, – განუცხადა ტრამპმა ჟურნალისტებს.

ამასთან, დონალდ ტრამპი ირწმუნება, რომ ირანის ბირთვულ ობიექტებზე ამიერკული იერიშების შემდეგ ირანი ვერასდროს შეძლებს ბირთვული პროგრამის აღდგენას.