ისრაელის დაზვერვის შეფასებით, აშშ-ისა და ისრაელის დარტყმებმა ირანის ბირთვული პროგრამა რამდენიმე წლით უკან დახია, თუმცა სრულად ვერ გაანადგურა იგი. ინფორმაციას ამის შესახებ გამოცემა The Times of Israel-ი ისრაელის მაღალჩინოსანზე დაყრდნობით ავრცელებს.
ისრაელის სადაზვერვო შეფასება მუდმივად განახლებადია და იხვეწება. ირანის ბირთვული პროგრამის სტატუსის შესახებ უფრო კონკრეტული ინფორმაცია მომდევნო კვირებში გახდება ხელმისაწვდომი.
ისრაელის ოფიციალური პირი ამტკიცებს, რომ სამხედრო დარტყმები მაინც ღირებული იყო, რადგან მოლაპარაკებებს, რომლებსაც აშშ მანამდე ირანთან აწარმოებდა, მსგავსი შედეგების მიღწევა არ შეეძლო.
გარდა ამისა, ბირთვულ პროგრამაზე და ირანში სხვა სამხედრო სამიზნეებზე განხორციელებული დარტყმები შემაკავებელ ფაქტორად იქცევა, რათა ისლამურმა რესპუბლიკამ ხელახლა არ სცადოს ურანის გამდიდრება.