ირანის პრეზიდენტმა, მასუდ ფეზეშქიანმა განაცხადა, რომ მისმა ქვეყანამ „ისტორიული გამარჯვება“ მოიპოვა.
„თქვენი, დიდი და ისტორიულად მნიშვნელოვანი ერის გმირული წინააღმდეგობის შემდეგ ჩვენ ვხედავთ ზავს და 12-დღიანი ომის დასრულებას, რომელიც ისრაელის მთავრობის ავანტიურიზმისა და პროვოკაციის შედეგად ირანელ ერს თავს დაატყდა“, – განაცხადა ფეზეშქიანმა ირანელი ხალხისადმი მიმართვისას.
ირანის პრეზიდენტის განცხადებით, მტერმა „ვერ მიაღწია თავის მიზნებს – ობიექტების განადგურებას, ირანში ბირთვული კვლევების შეწყვეტას“.
ამასთან, მასუდ ფეზეშქიანის თქმით, ირანელმა ხალხმა თავად განსაზღვრა 12-დღიანი ომის დასასრული.
კომენტარები
