აშშ-ის პრეზიდენტმა, დონალდ ტრამპმა განაცხადა, რომ ნატო-ს სამიტის ფარგლებში უკრაინის პრეზიდენტთან, ვოლოდიმირ ზელენსკისთან შეხვედრას ელოდება.
ჟურნალისტის კითხვაზე, თუ რას ეტყოდა უკრაინის პრეზიდენტს, დონალდ ტრამპმა განაცხადა: „ვეტყვი, როგორ ხარ? ის რთულ სიტუაციაშია. იქ არასდროს უნდა აღმოჩენილიყო“.
ამასთან, დონალდ ტრამპმა კომენტარი გააკეთა ვლადიმერ პუტინთან ბოლო სატელეფონო საუბრის შესახებ.
„როგორც იცით, ვლადიმერმა დამირეკა. მითხრა: „შემიძლია, ირანთან დაკავშირებით დაგეხმარო?“ ვუთხარი: „არა, ირანთან დახმარება არ მჭირდება. შენთან მჭირდება დახმარება“. იმედი მაქვს, რუსეთთან გარიგებას მოვახერხებთ“, – განაცხადა დონალდ ტრამპმა.
აშშ-ის პრეზიდენტის თქმით, უკრაინაში ომი არ მოხდებოდა მისი ადმინისტრაციის პირობებში.
„სამარცხვინოა. 6 000 ჯარისკაცი დაიღუპა გასულ კვირას. მეტი, 6 500 ჯარისკაცი დაიღუპა გასულ კვირას. რუსეთი, უკრაინა – ომი, რომელიც არასდროს მოხდებოდა, მე რომ ვყოფილიყავი პრეზიდენტი“, – განაცხადა ტრამპმა.