სერბეთში „ხელისუფლების ძალადობრივი გზით შეცვლის“ დაგეგმვაში ეჭვმიტანილი ექვსი ადამიანი დააკავეს. ამის შესახებ „რადიო თავისუფლება“ სერბეთის შინაგან საქმეთა სამინისტროზე დაყრდნობით ავრცელებს ინფორმაციას.
უწყების ინფორმაციით, დაკავებულები გეგმავდნენ სახელმწიფო დაწესებულებების წარმომადგენლებზე, ასევე პოლიციის თანამშრომლებზე თავდასხმას მათი განიარაღების მიზნით, სამთავრობო და სხვა შენობების დაკავებას, მათ შორის სერბეთის რადიოსა და ტელევიზიის და სამთავრობო მედიასაშუალებების.
ბელგრადის პროკურატურის განცხადებით, ეჭვმიტანილები გეგმის შესრულებას აპირებდნენ ცეცხლსასროლი იარაღის გამოყენებით.
სამართალდამცველების ცნობით, ჩხრეკა სერბეთში რამდენიმე ადგილას ტარდება. „რადიო თავისუფლების“ ინფორმაციით, ერთ-ერთი დაკავებული სერბეთის სამხედრო საბჭოს ყოფილი პრეზიდენტი ნოვიცა ანტიჩია.