ისრაელის თავდაცვის მინისტრმა, ისრაელ კაცმა ტელეკომპანია Channel 13-თან ინტერვიუში გაამხილა, რომ ისრაელს ირანის უზენაესი ლიდერის, აიათოლა ალი ხამენეის ლიკვიდაციის გეგმა ჰქონდა, თუმცა ამის განხორციელებისთვის საჭირო შესაძლებლობა არ გამოჩნდა.
„თუ ის ჩვენს სამიზნეში აღმოჩნდებოდა, აუცილებლად გავნეიტრალებდით“, – განაცხადა კაცმა.
მისი თქმით, „გვინდოდა ხამენეის ლიკვიდაცია, მაგრამ ოპერატიული შესაძლებლობა არ ყოფილა“.
როდესაც მას ჰკითხეს, ცდილობდა თუ არა ისრაელი ამ ქმედებისთვის ამერიკის თანხმობის მიღებას, კაცმა უპასუხა: „ასეთი რაღაცებისთვის ჩვენ ნებართვა არ გვჭირდება“.
კომენტარები