ყველა კონკრეტული ციფრი, ყველა კონკრეტული მოცემულობა გვაჩვენებს, რომ საქართველო ეს არის პროგრესის ქვეყანა, – განუცხადა ჟურნალისტებს რეგიონული პოლიტიკისა და თვითმმართველობის კომიტეტის თავმჯდომარემ ირაკლი ქადაგიშვილმა „ატლანტიკური საბჭოს“ მიერ გამოქვეყნებულ კვლევასთან დაკავშირებით, რომლის მიხედვითაც, საქართველო მსოფლიოს ხანგრძლივი პროგრესის მქონე ქვეყნებს შორის დასახელდა.
ირაკლი ქადაგიშვილის თქმით, საქართველო დღეს არის ლიდერი სახელმწიფო.
„ეს არის ქვეყანა, რომელსაც აქვს ხელშესახები პროგრესი. საქართველო დღეს არის ლიდერი სახელმწიფო და მცდელობა გარკვეული პოლიტიკური წრეებისა, რომ ეს ლიდერი სახელმწიფო წარმოაჩინონ უარყოფითი კუთხით, უშედეგოა იმიტომ, რომ ფაქტი, ჯიუტია.
ყველა კონკრეტული ციფრი, ყველა კონკრეტული მოცემულობა გვაჩვენებს, რომ საქართველო ეს არის პროგრესის ქვეყანა. მხოლოდ ის, რომ ვიღაცას სურს ისეთი ხელისუფლება იხილოს, რომელიც მარიონეტივით მოიქცევა და გარე დავალებებს შეასრულებს, ამის გამო გარკვეული პოლიტიკური შემოტევა აქვთ, ეს არსებულ რეალობას საქართველოს გარშემო არ ცვლის და ვერც შეცვლის“, – აღნიშნა ირაკლი ქადაგიშვილმა.