გერმანიის საგარეო საქმეთა მინისტრი იოჰან ვადეფული უკრაინაში ჩავიდა. კიევში ეს მისი პირველი ვიზიტია. ვადეფული ვიზიტის განმავლობაში შეხვედრებს გამართავს უკრაინის მთავრობის წარმომადგენლებთან. ამის შესახებ ინფორმაციას უკრაინული მედია ავრცელებს.
გერმანიის საგარეო საქმეთა მინისტრმა კიევში ჩასვლისას განაცხადა, რომ „უკრაინის თავისუფლება და მომავალი გერმანიის საგარეო და უსაფრთხოების პოლიტიკის უმთავრეს ამოცანას წარმოადგენს“.
ამასთან, გერმანიის საგარეო საქმეთა მინისტრმა აღნიშნა, რომ „რუსეთის პრეზიდენტი ვლადიმერ პუტინი სასტიკი დაბომბვით უკრაინის დამორჩილებას ცდილობს“.
კომენტარები