პოლონეთი 7 ივლისიდან გერმანიასთან და ლიეტუვასთან საზღვრებზე დროებით კონტროლს დააწესებს. განცხადება ქვეყნის პრემიერ-მინისტრმა, დონალდ ტუსკმა გააკეთა.
არალეგალური მიგრაციის შესაჩერებლად სასაზღვრო კონტროლი ევროპის რამდენიმე ქვეყანამ აღადგინა.
„ჩვენ კონტროლის დროებით აღდგენას აუცილებლად მივიჩნევთ, რათა პოლონეთ-გერმანიის საზღვარზე მიგრანტების უკონტროლო ნაკადები მინიმუმამდე შემცირდეს“, – განაცხადა ტუსკმა მინისტრთა კაბინეტის სხდომაზე.
პოლონეთში მიგრაციასთან დაკავშირებული დებატები ბოლო კვირების განმავლობაში სულ უფრო და უფრო მწვავე გახდა, ულტრამემარჯვენე აქტივისტებმა გერმანიასთან საზღვრის გასწვრივ პატრულირების ორგანიზება დაიწყეს.
ტუსკმა, მიგრანტების მიმართ გერმანიის მიდგომა გააკრიტიკა და თქვა, რომ ეს პოლონეთზე ზედმეტ ზეწოლას ახდენს.
კომენტარები