მოსკოვის საქალაქო სასამართლომ რუსეთის თავდაცვის მინისტრის ყოფილი მოადგილე, ტიმურ ივანოვი სახელმწიფო ქონების გაფლანგვაში დამნაშავედ ცნო და სასჯელის სახით 13 წლით თავისუფლების აღკვეთა მიუსაჯა. ინფორმაციას რუსული მედია ავრცელებს.
ამასთან ერთად, სასამართლომ მას 100 მილიონი რუბლის ოდენობის ჯარიმა დააკისრა. გამოძიების მტკიცებით, ივანოვმა ქერჩის გადასასვლელისთვის ორი ბორნის ყიდვის დროს 3,9 მილიარდ რუბლზე მეტი გაფლანგა.
ივანოვს აგრეთვე სახელმწიფო ჯილდოებიც ჩამოართვეს. მას ოთხი წლით თანამდებობის დაკავება აეკრძალა.
რუსეთის თავდაცვის მინისტრის ყოფილი მოადგილე განსაკუთრებით დიდი ოდენობით ქრთამის აღების ბრალდებით 2024 წლის აპრილში დააკავეს.
კომენტარები