დიდ ბრიტანეთში, LGBT+ პრაიდის თანადამფუძნებელმა, “უკიდურესად დაუცველი” 12 წლის ბიჭი გააუპატიურა, რისთვისაც მას 24 წლით თავისუფლების აღკვეთა მიესაჯა. ინფორმაციას BBC-ი ავრცელებს.
მედიის ცნობით, 41 წლის სტივენ აირლენდს, რომელმაც მოზარდი 2024 წლის 19 აპრილს, სოციალურ ქსელში გაცნობის შემდეგ გააუპატიურა, სასამართლომ გაფართოეული ლიცენზიის ფარგლებში დამატებით 6 წელი მიუსაჯა. საერთო ჯამში მას 30 წლით თაბიაუფლების აღკვეთა აქვს მისჯილი.
ასევე, გასამართლდა მისი იმ დროინდელი პარტნიორი, 27 წლის დევიდ სატონი, რომელსაც ბავშვის უხამსი ფოტოების გადაღებისა და უკიდურესად პორნოგრაფიული გამოსახულების ფლობისთვის, 4,5 წლით თავისუფლების აღკვეთა მიესაჯა.
ორშაბათს, გილდფორდის სამეფო სასამართლოში მოსამართლე პატრიცია ლისმა განაცხადა, რომ აირლენდმა ბავშვის დაუცველობით ისარგებლა.
ბიჭმა, რომელსაც სასამართლოში “ბავშვი A“-ს სახელით მოიხსენიებდნენ და რომელიც მის წინააღმდწგ დანაშაულის ჩადენის დროს დაკარგულად ითვლებოდა, პოლიციას განუცხადა, რომ მათ ბინაში სექსი ჰქონდათ, ეწეოდნენ ბონგს, რომელიც აღმოჩნდა რომ მეტამფეტამინს შეიცავდა და ლეპტოპზე პორნოგრაფიულ მასალას უყურებდნენ.
როფორც სასამართლოზე გაირკვა, ბიჭმა აირლენდს თავდაპირველად უთხრა, რომ 17 წლის იყო, მაგრამ მოგვიანებით გამოუტყდა, რომ 13 წლის იყო, რაზეც აირლენდმა უპასუხა: “კარგი, უბრალოდ მოგვიწევს ეს საიდუმლოდ შევინახოთ“.