ირანის პრეზიდენტმა, მასუდ პეზეშკიანმა ატომური ენერგიის საერთაშორისო სააგენტოსთან თანამშრომლობის შეჩერების განკარგულებას ხელი მოაწერა. ინფორმაციას Reuters-ი ავრცელებს.
დოკუმენტით საერთაშორისო ორგანიზაციის თანამშრომლებს ირანში ჩასვლა ეკრძალებათ. თანამშრომლობის აღსადგენად, თეირანი ირანის ბირთვული ობიექტებისა და ბირთვულ პროგრამაზე მომუშავე მეცნიერების უსაფრთხოების უზრუნველყოფას ითხოვს.
ასევე ირანის საგარეო უწყების ხელმძღვანელი, აბას არაღჩი აცხადებს, რომ ირანი განაგრძობს მშვიდობიან ბირთვულ პროგრამაზე მუშაობას და გაამდიდრებს იმ რაოდენობის ურანს, რამდენიც ირანის ატომური ელექტროსადგურების ფუნქციონირებისთვის იქნება საჭირო.
კომენტარები