უკრაინა ამერიკული იარაღის მარაგებს, სავარაუდოდ, ორ-სამ თვეში ამოწურავს. ინფორმაციას The Financial Times-ი უკრაინის დაზვერვის მაღალჩინოსანზე დაყრდნობით ავრცელებს.
როგორც წყარომ გამოცემას განუცხადა, მარაგის ამოწურვის შემდეგ უკრაინას „ძალიან გაუჭირდება“. მისი თქმით, ეს არ იქნება კრახი, მაგრამ უკრაინის თავდაცვის ძალები იძულებული იქნება უფრო სწრაფად დაიხიოს უკან.
უკრაინისთვის ამერიკული შეიარაღების მიწოდების შეჩერებას პერსპექტივაში უკრაინული ჯარისთვის ნეგატიური შედეგების მომტანი იქნება, მიუხედავად იმისა, ევროპელი პარტნიორები შეძლებენ თუ არა არსებული დეფიციტის აღმოფხვრას, აღნიშნავს გამოცემა.
ცნობისთვის, დღეს მედიაში გავრცელდა ინფორმაცია, რომ აშშ-მა უკრაინისთვის დაპირებული საბრძოლო მასალის ნაწილის მიწოდება შეუჩერა. მოგვიანებით ცნობა თეთრ სახლშიც დაადასტურეს.