უკრაინის ოკუპირებულ ქალაქ ლუგანსკში ყოფილი ე.წ. მერი, მანოლის პილავოვი ააფეთქეს. ინფორმაციას რუსული მედია ავრცელებს.
ინფორმაციის თანახმად, აფეთქება ლუგანსკში, ტარას შევჩენკოს ქუჩაზე შუადღეს მოხდა. შემთხვევის შედეგად კიდევ სამი ადამიანი დაშავდა. ერთ-ერთი მათგანი მძიმე მდგომარეობაშია.
რუსეთის საგამოძიებო კომიტეტმა აფეთქების ფაქტზე სისხლის სამართლის საქმე აღძრა.
მანოლის პილავოვი 61 წლის იყო. სეპარატისტებმა ის ლუგანსკის მერად 2014 წლის დეკემბერში დანიშნეს. პილავოვი ე.წ. მერის თანამდებობას 2023 წლამდე იკავებდა.
კომენტარები