თურქეთში, იზმირის პროვინციაში ძლიერ ხანძარს, უკვე მერვე დღეა, ებრძვიან, დაღუპულია ორი ადამიანი, – ამის შესახებ „როიტერი“ წერს.
ტყის ხანძრის ახალი კერა ანტალიის კურორტულ პროვინციასა და სტამბოლის მახლობლად, ტყიან ადგილებშიც გაჩნდა. მეხანძრეებმა რამდენიმე ხანძრის ლოკალიზება მოახერხეს.
თურქეთის შინაგან საქმეთა მინისტრმა, ალი იერლიკაიამ განაცხადა, რომ ხანძრებმა თურქეთის დასავლეთით დაახლოებით 200 სახლი დააზიანა.
ხანძრის გამო თურქეთში კვირის დასაწყისში 50 ათასამდე ადამიანის ევაკუაცია განხორციელდა. მედიაში გავრცელებული ინფორმაციით, თურქეთის ექვს ქალაქში ათობით ხანძარზე პასუხისმგებლობა „ქურთისტანის მუშათა პარტიასთან“ დაკავშირებულმა ჯგუფმა აიღო.
კომენტარები