ეუთოს საპარლამენტო ასამბლეაზე მიღებულ რეზოლუციასთან დაკავშირებით გავრცელებულ მცდარ ინფორმაციებს იურიდიულ საკითხთა კომიტეტის თავმჯდომარე არჩილ გორდულაძე კიდევ ერთხელ გამოეხმაურა.
„ეს არის ზუსტად მცდელობა და კიდევ ერთი მაგალითი იმისა, თუ როგორ ვრცელდება დეზინფორმაცია ჩვენს ქვეყანაში, მაშინ როდესაც სიმართლე არის ერთი: რეზოლუციაში არსებულ ჩანაწერებს მხარი დაუჭირეს დელეგაციის წევრებმა, პირდაპირი ინიციატივებითაც გამოვიდნენ, ხოლო საერთო ჯამში მხარდაჭერა არ მოხდა, იმიტომ რომ სიცრუით იყო [გაჯერებული] და მტრული რეზოლუცია მიღებული ქართველი ხალხის ინტერესების საწინააღმდეგოდ“, – აცხადებს გორდულაძე.
ოპოზიციურმა მედიამ გაავრცელა დეზინფორმაცია, თითქოს ქართულმა მხარემ ეუთოს საპარლამენტო ასამბლეაზე მიღებულ რეზოლუციას მხარი დაუჭირა. ასევე, ითქვა, რომ „ქართულმა ოცნებამ” მხარი არ დაუჭირა დეკლარაციას, რომელიც სირიას აფხაზეთისა და ცხინვალის რეგიონის აღიარების გაუქმებისკენ მოუწოდებს. ცნობისთვის, ეს შესწორება დომუკენტში სწორედ ქართული მხარის მოთხოვნით შევიდა.