სხვადასხვა ქვეყანაში მცხოვრები ქართული დიასპორის წარმომადგენლები ევროკავშირის საგარეო საქმეთა საბჭოს მიმართ ქართველი ემიგრანტების სახელით გავრცელებულ განცხადებას ემიჯნებიან.
ქართველი ემიგრანტები გავრცელებულ განცხადებაში წერენ, რომ ისინი დაუშვებლად მიიჩნევენ და ემიჯნებიან მოთხოვნებს, მათ შორის საქართველოს ხელისუფლების წინააღმდეგ ცალკეული ზომების გატარებას.
მათი თქმით, აღნიშნული მოთხოვნა მიმართულია საქართველოს იმიჯის დაზიანებისკენ და ემსახურება კონკრეტული ჯგუფების ვიწრო პოლიტიკურ ინტერესებს.
განცხადება გავრცელდა როგორც ინდივიდუალური პირების, ისე რამდენიმე დიასპორული ორგანიზაციის სახელით, მათ შორის არის: 1. დიაპორული მედია მაუწყებელი DIASPORA.GE 2. ქართული დიასპორის საზოგადოებრივი ცენტრი . 3.საქართველო-საბერძნეთის მეგობრობის ასოციაცია. 4. ევროპის ქველმოქმედ ქალთა კავშირი. 5.დიასპორული ორგანიზაცია ესპანეთში -” Asociación de la Republica de Georgia e Inmigrantes” 6. “პოლონეთის ქართული დიასპორა” 7. მილანის სამშობლო გულით სატარებელი.