საქართველოს პრეზიდენტი მიხეილ ყაველაშვილი უზბეკეთის საგარეო საქმეთა მინისტრს შეხვდა. ამის შესახებ პრეზიდენტი სოციალურ ქსელში წერს.
”პრეზიდენტის სასახლეში უზბეკეთის რესპუბლიკის საგარეო საქმეთა მინისტრს, ბატონ ბახტიორ საიდოვს შევხვდი. ვისაუბრეთ ორ ქვეყანას შორის არსებულ ურთიერთობებსა და თანამშრომლობის სამომავლო პერსპექტივებზე.
შეხვედრაზე აღვნიშნე, რომ მზად ვართ გავაღრმაოთ ორმხრივი თანამშრომლობა პოლიტიკური, ეკონომიკური , კულტურული მიმართულებით და ჩვენი წვლილი შევიტანოთ სამხრეთ კავკასიისა და ცენტრალური აზიის რეგიონების პოტენციალის უკეთ ათვისებასა და ჩვენი ქვეყნებისთვის მეტი კეთილდღეობის შექმნაში.
შეხვედრაზე უზბეკეთის რესპუბლიკის საგარეო საქმეთა მინისტრს, საქართველოს სუვერენიტეტისა და ტერიტორიული მთლიანობის მხარდაჭერისთვის მადლობა გადავუხადე. ასევე ხაზი გავუსვი, რომ საქართველო აფასებს და დიდ მნიშვნელობას ანიჭებს ქვეყნებს შორის არსებულ მეგობრულ ურთიერთობას, რომელიც ნდობას, ურთიერთპატივისცემასა და ერთმანეთის ეროვნული ინტერესების გათვალისწინებას ეფუძნება”
