აშშ-ის პრეზიდენტმა, დონალდ ტრამპმა ფეხებზე მცირე შეშუპებისა და ერთ ხელზე სისხლჩაქცევების გამო სამედიცინო შემოწმება გაიარა. ამის შესახებ გამოცემა The Hill-ი იუწყება თეთრი სახლის განცხადებაზე დაყრდნობით.
თეთრი სახლის პრესმდივნის, კეროლაინ ლევიტის განცხადებით, ტრამპმა გაიარა კომპლექსური გამოკვლევა, მათ შორის სისხლძარღვების დიაგნოსტიკური კვლევა.
„გამოკვლევამ აჩვენა, რომ 79 წლის ტრამპს ქრონიკული ვენური უკმარისობა აქვს. კლივლენდის კლინიკის მონაცემებით, ეს მდგომარეობა მაშინ ვითარდება, როდესაც ფეხის ვენებს არ შეუძლიათ სისხლის გულისკენ უკან გადატუმბვა, რაც სისხლის დაგროვებას იწვევს“, – ნათქვამია განცხადებაში.
ლევიტმა დასძინა, რომ ტრამპს არ აღენიშნება ღრმა ვენების თრომბოზის ან არტერიული დაავადების ნიშნები.
კომენტარები