გერმანიის კანცლერმა, ფრიდრიხ მერცმა გააკრიტიკა ისრაელის ქმედებები ღაზის სექტორში და განაცხადა, რომ ეს აღარ არის მისაღები. ინფორმაციას ამის შესახებ გერმანული მედია ავრცელებს.
გერმანიის მთავრობა ცეცხლის შეწყვეტასა და რეგიონის მცხოვრებლებისთვის ყოვლისმომცველი ჰუმანიტარული დახმარების გაწევას მოითხოვს.
მერცის თქმით, ის ამ საკითხთან დაკავშირებით რეგულარულ პირად კონტაქტს ინარჩუნებს ისრაელის პრემიერ-მინისტრ ბენიამინ ნეთანიაჰუსთან.
ამავდროულად, მერცმა ხაზგასმით აღნიშნა, რომ არ ემხრობა ევროკავშირსა და ისრაელს შორის ასოცირების შეთანხმების შეჩერების შესაძლებლობას ღაზის ირგვლივ შექმნილი სიტუაციის გამო.
კომენტარები