უკრაინამ დროებით ოკუპირებული ტერიტორიებიდან და რუსეთიდან 11 უკრაინელი ბავშვის დაბრუნება შეძლო. ამის შესახებ ინფორმაციას უკრაინის პრეზიდენტის ოფისის ხელმძღვანელი ანდრეი ერმაკი ავრცელებს.
მისი ცნობით, ბავშვების ასაკი 10-დან 17 წლამდეა. როგორც ერმაკმა განაცხადა, ბავშვების დაბრუნება კატარის შუამავლობით მოხდა.
„განსაკუთრებით იმ ოჯახის ისტორიამ შემძრა, სადაც ხუთი და-ძმა დავაბრუნეთ. ბავშვები რუსეთში წაიყვანეს და დიდი ხნის განმავლობაში მათ შესახებ არანაირი ინფორმაცია არ არსებობდა. მხოლოდ მოგვიანებით ისინი თვითონ დაუკავშირდნენ უკრაინაში ზრდასრულ დას და სახლში წაყვანა სთხოვეს. თუმცა ამის შემდეგაც კი უკან დაბრუნების გზა უკიდურესად რთული იყო. რუსეთის მეურვეობის ორგანოებმა ზეწოლას ახდენდნენ, პროცესს აჭიანურებდნენ, აიძულებდნენ მათ აზრის შეცვლას. დაბრუნება შესაძლებელი გახდა მხოლოდ ერთ წელზე მეტი ხნის დაჟინებული და შრომატევადი მუშაობის შემდეგ“, – აღნიშნავს ერმაკი.