ამერიკის ეროვნული დაზვერვის დირექტორმა იუსტიციის სამინისტროს მტკიცებულებები გადაუგზავნა, საიდანაც ირკვევა, რომ ბარაკ ობამას ადმინისტრაცია 2016 წლის საპრეზიდენტო არჩევნებში რუსეთის ჩარევის შესახებ მედიაში ყალბ ნარატივებს ავრცელებდა. როგორც ტულსი გაბარდმა სოციალურ ქსელში განმარტა, უმაღლესი დონის ოფიციალური პირების წინააღმდეგ გამოძიება უნდა დაიწყოს.
„ჩვენ მიერ გასაჯაროებული ინფორმაცია ნათლად გვაჩვენებს, რომ 2016 წელს უმაღლესი დონის ოფიციალური პირები ჩართულები იყვნენ ღალატის ტოლფას შეთქმულებაში. მათი მიზანი ამერიკელი ხალხის ნების შელახვა და პრეზიდენტისთვის ხალხის მიერ მიცემული მანდატის შესრულების დაბრკოლება იყო. მათ მიერ ძალაუფლების ასეთი ბოროტი და თავხედური გამოყენება კონსტიტუციის უარყოფა, ჩვენი დემოკრატიული რესპუბლიკის საფუძვლებსა და მთლიანობას ემუქრება. არ აქვს მნიშვნელობა, რამდენად ძლიერები არიან. ყველა პირის საქმე, რომელიც ამ შეთქმულებაში მონაწილეობდა, უნდა გამოიძიონ და გაასამართლონ ისინი, რათა ასეთი რამ აღარასოდეს მოხდეს“, – წერს გაბარდი.