საბერძნეთის პოლიციამ მოლდოვის „დემოკრატიული პარტიის“ ყოფილი ლიდერი, პარლამენტის ექს-დეპუტატი, ვლადიმერ პლახოტინიუკი დააკავა. ინფორმაციას მოლდოვის პოლიცია ავრცელებს.
„საბერძნეთში, ათენში ინტერპოლის ოფიციალურმა არხებმა შეგვატყობინეს, რომ დაკავებულია მოლდოვის ორი მოქალაქე. მათგან ერთ-ერთი ვლადიმერ პლახოტნიუკია“, – აღნიშნულია პოლიციის მიერ გავრცელებულ ინფორმაციაში.
მოლდოვური მედიის თანახმად, მეორე დაკავებული – პლახოტნიუკის ერთ-ერთი თანამებრძოლი, ყოფილი დეპუტატი, კონსტანტინე ცუცუა.
პლახოტნიუკმა მოლდოვა 2019 წელს დატოვა. ის საცხოვრებლად აშშ-ში გადაბარგდა, თუმცა მოგვიანებით ამერიკამ, კანადამ და ევროკავშირმა მის წინააღმდეგ მოლდოვის შიდა საქმეებში ჩარევის გამო სანქციები შემოიღეს. აშშ-ის შემდეგ პლახოტნიუკი საცხოვრებლად ჩრდილოეთ კვიპროსზე გადავიდა. ის მოლდოვის უმდიდრეს ადამიანად მიიჩნეოდა.