ამერიკის შეერთებული შტატები გაეროს განათლების, მეცნიერებისა და კულტურის ორგანიზაციიდან (UNESCO ) გავა. პრეზიდენტ ტრამპის ადმინისტრაციის ეს გადაწყვეტილება სახელმწიფო დეპარტამენტში გააჟღერეს.
დეპარტამენტის პრესსპიკერის, ტემი ბრიუსის თქმით, UNESCO-სთან თანამშრომლობის გაგრძელება შეერთებული შტატების ეროვნულ ინტერესებში არ შედის.
„UNESCO ცდილობს ხელი შეუწყოს დამყოფ სოციალურ და კულტურულ მიზნებს და ზედმეტ ყურადღებას აქცევს გაეროს მდგრადი განვითარების მიზნებს – საერთაშორისო განვითარების გლობალისტურ, იდეოლოგიურ დღის წესრიგს, რომელიც ეწინააღმდეგება ჩვენს პრინციპს საგარეო პოლიტიკაში – ამერიკა უპირველეს ყოვლისა. UNESCO-ს გადაწყვეტილება, „პალესტინის სახელმწიფო“ წევრ ქვეყნად აღიაროს, ძალზედ პრობლემურია, ეწინააღმდეგება აშშ-ის პოლიტიკას და ორგანიზაციაში ანტიისრაელური რიტორიკის გავრცელებას შეუწყო ხელი“, – აღნიშნულია განცხადებაში.