პოლონეთის პრემიერ-მინისტრმა, დონალდ ტუსკმა მთავრობაში საკადრო ცვლილებები განახორციელა. ინფორმაციას პოლონური მედია ავრცელებს.
ტუსკმა მოსახლეობას მინისტრთა განახლებული ახალი კაბინეტი წარუდგინა და სამთავრობო სექტორში გარკვეული უწყებები გააერთიანა.
ცვლილებების თანახმად, მოქმედი საგარეო საქმეთა მინისტრი, რადოსლავ სიკორსკი ამავდროულად ვიცე-პრემიერის პოსტსაც დაიკავებს.
ფინანსთა მინისტრი ანდჟეი დომანსკი ფინანსებისა და ეკონომიკის მინისტრი გახდება და ყველა ეკონომიკურ დეპარტამენტს გაუწევს ზედამხედველობას.
პოლონეთის მთავრობაში საკადრო ცვლილებები დონალდ ტუსკის ხელისუფლების რეიტინგის მკვეთრ ვარდნას უკავშირდება.
კომენტარები