ევროკომისიის წარმომადგენელმა, გიომ მერსიემ განაცხადა, რომ ევროკომისია ძალიან შეშფოთებულია იმ კანონის მიღებით, რომელიც უკრაინის ეროვნულ ანტიკორუფციულ ბიუროს გენერალურ პროკურორზე დამოკიდებულს ხდის. ინფორმაციას ამის შესახებ უკრაინული მედია ავრცელებს.
მისი თქმით, ევროკომისია უკიდურესად შეშფოთებულია კანონის მიღებით, რომელიც მნიშვნელოვნად ასუსტებს უკრაინის ანტიკორუფციული ინსტიტუტების უფლებამოსილებებს.
„ორივე ინსტიტუტი ფართოდ განიხილება, როგორც უკრაინაში კანონის უზენაესობის ქვაკუთხედი. ისინი საკვანძო როლს თამაშობენ უკრაინის რეფორმების დღის წესრიგში და უნდა იყვნენ დამოუკიდებელი, რათა ებრძოლონ კორუფციას და შეინარჩუნონ საზოგადოებრივი ნდობა“, – აღნიშნა გიომ მერსიემ.
კომენტარები