აშშ-ის სენატის წევრებმა, ჯინ შაჰინმა და ლინდსი გრემმა ერთობლივი განცხადება გაავრცელეს, სადაც აღნიშნულია, რომ კანონმდებლები შეშფოთებას გამოთქვამენ უკრაინაში ანტიკორუფციულ კანონმდებლობაში შეტანილი ცვლილებების გამო.
„ჩვენ ვშიშობთ, რომ ცოტა ხნის წინ უმაღლესი რადის მიერ მიღებული და პრეზიდენტ ზელენსკის მიერ ხელმოწერილი კანონი ძირს უთხრის პროგრესის მნიშვნელოვან ნაწილს და ეწინააღმდეგება უკრაინის საგანგებო საბრძოლო სულსისკვეთებას, აგრეთვე უკრაინის მოქალაქეებისა და საერთაშორისო საზოგადოების მოლოდინებს“, – აღნიშნულია განცხადებაში.
შაჰინი და გრემი აღნიშნავენ, რომ უკრაინაში ღირსების რევოლუციის შემდეგ ქვეყანამ კორუფციასთან ბრძოლამ მნიშვნელოვან პროგრესს მიაღწია.
სენატორების განცხადებით, უკრაინისთვის სამხედრო დახმარების შეწყვეტის სასარგებლო არგუმენტად ხშირად ის ფაქტორი სახელდება, რომ ქვეყანა კორუფციაშია ჩაფლული.
„ჩვენ ვაღიარებთ, რომ უკრაინა ფრონტის ამ მიმართულებაზე პროგრესს აღწევს და მოვუწოდებთ ხელისუფლებას თავი შეიკავოს ნებისმიერი ისეთ მოქმედებებისგან, რაც ძირს უთხრის ამ პროგრესს“, – დასძინეს ამერიკელმა კანონმდებლებმა.