Starlink-ის მაღალსიჩქარიანი თანამგზავრული ინტერნეტის გათიშვამ უკრაინის შეიარაღებულ ძალებს ფრონტზე პრობლემები შეუქმნა. ინფორმაციას უკრაინული მედია ავრცელებს.
მედიის თანახმად, Starlink-ს უკრაინელი სამხედროები ფრონტის წინა ხაზზე უპილოტო საფრენი აპარატების მართვისას და მონაცემების გაცვლისთვის იყენებენ, რადგან საბრძოლო მოქმედებების ეპიცენტრში ჩვეულებრივი ინტერნეტი არ მუშაობს.
როგორც თავად კომპანიაში განმარტეს, შეფერხება შიდა ქსელში არსებულმა ხარვეზებმა გამოიწვია. მომხდარის გამო ბოდიში მოიხადა კომპანიის მფლობელმა ილონ მასკმა, რომლის თქმითაც, სპეციალისტები ყველაფერს აკეთებენ იმისთვის, რათა მსგავსი შემთხვევა აღარ განმეორდეს.
ცნობისთვის, Starlink-ის ინტერნეტის მასშტაბური გათიშვა გუშინ საღამოს დაფიქსირდა. პრობლემა არ დროისთვის მოგვარებულია.
კომენტარები