ისრაელში აშშ-ის ელჩმა, მაიკ ჰაკაბიმ საფრანგეთის პრეზიდენტის, ემანუელ მაკრონის განცხადებას დასცინა იმის შესახებ, რომ პარიზი სექტემბერში პალესტინის სახელმწიფოს აღიარებს.
„მაკრონის მიერ „პალესტინის“ სახელმწიფოს ცალმხრივად „გამოცხადება“ არ აკონკრეტებს, თუ სად იქნება ის. ახლა შემიძლია ექსკლუზიურად გაგიმხილოთ, რომ საფრანგეთი შესთავაზებს ფრანგულ რივიერას და ახალ სახელმწიფოს „ფრანკ-ან-სტინა“ დაერქმევა“, – აღნიშნა ამერიკელმა დიპლომატმა სოციალურ ქსელში გამოქვეყნებულ პოსტში.
ცნობისთვის, გუშინ მაკრონმა განაცხადა, რომ საფრანგეთი სექტემბერში პალესტინას დამოუკიდებელ სახელმწიფოდ აღიარებს. მარკონის ეს გადაწყვეტილება ისრაელის პრემიერ-მინისტრმა, ბენიამინ ნეთანიაჰუმ და აშშ-ის სახელმწიფო მდივანმა, მარკო რუბიომ დაგმეს.
კომენტარები