პარტია „ეროვნული გაერთიანების“ საპარლამენტო ფრაქციის ლიდერმა, მარინ ლე პენმა განაცხადა, რომ დღეს პალესტინის სახელმწიფოს აღიარება ნიშნავს „ჰამასის“ სახელმწიფოს, ანუ ტერორისტული სახელმწიფოს აღიარებას.
საფრანგეთის პრეზიდენტმა, ემანუელ მაკრონმა ხუთშაბათს განაცხადა, რომ „საფრანგეთი აღიარებს პალესტინის სახელმწიფოს“ სექტემბერში გაეროში სიტყვით გამოსვლისას.
„ამ ჟესტში არ არის საფრანგეთის ისტორიის ერთგულება, პირიქით, და მით უმეტეს, არ არის ისრაელისთვის მშვიდობის გარანტია. მიუხედავად იმისა, რომ იმედი ყოველთვის ორსახელმწიფოებრივი გადაწყვეტისკენ გვიბიძგებდა, ეს გადაწყვეტილება 7 ოქტომბრის ხოცვა-ჟლეტის მონაწილეებსა და მათ მიერ მოტანილ ტანჯვას აკანონებს, მაშინ როდესაც მძევლები კვლავ ტყვეობაში რჩებიან. შესაბამისად, ეს არის პოლიტიკური და მორალური შეცდომა, მათ შორის იმ პალესტინელების მიმართაც, რომლებიც ჰამასის უღელქვეშ იმყოფებიან“, – აღნიშნა ფრანგმა პოლიტიკოსმა.