რუსეთის შეიარაღებულმა ძალებმა უკრაინის ქალაქი ხარკოვი მართვადი საავიაციო ბომბით დაბომბა. ინფორმაციას ხარკოვის მერი, იგორ ტერეხოვი „ტელეგრამის“ საკუთარ არხზე ავრცელებს.
ტერეხოვის თქმით, ბომბი ერთ-ერთ სამედიცინო დაწესებულებას მოხვდა. თავდაპირველად მერი წერდა, რომ დაშავებული იყო ერთი ადამიანი. მოგვიანებით დაშავებულთა რიცხვი სამამდე გაიზარდა, ხოლო შემდეგ – ექვსამდე.
ტერეხოვმა აგრეთვე გაავრცელა ინფორმაცია, რომ საჰაერო იერიშის შედეგად ერთი ადამიანი დაიღუპა.
„არსებობს ინფორმაცია, რომ მტრის მართვად ავიაბომბს ერთი ადამიანი ემსხვერპლა“, – დაწერა ტერეხოვმა.
კომენტარები