რუსეთის პრეზიდენტის პრესმდივნის, დიმიტრი პესკოვის განცხადებით, უკრაინა-რუსეთს შორის ლიდერების სამიტი მხოლოდ სამშვიდობო შეთანხმების ფინალურ ეტაპზეა შესაძლებელი.
პესკოვის თქმით, რუსეთის პრეზიდენტსა და უკრაინის პრეზიდენტს შორის პირისპირ შეხვედრას აზრი ექნება მხოლოდ მას შემდეგ, რაც მხარეთა შორის შეთანხმების დეტალებს ექსპერტები შეიმუშავებენ. პესკოვის განცხადებით, ნაკლებ სავარაუდოა, რომ ასეთი კომპლექსური პროცესი 30 დღის ვადაში მოესწროს.
„მაღალი დონის შეხვედრამ [უკრაინის კონფლიქტის] დარეგულირების საქმეში საბოლოო წერტილი უნდა დასვას და დააფიქსიროს ყველა ის მოდალობა და შეთანხმება, რომელიც ექსპერტული მუშაობის დროს უნდა გამომუშავდეს. ამის უკუღმა გაკეთება შეუძლებელია“, – აღნიშნა პესკოვმა.
კომენტარები