ათენის ჩრდილოეთ გარეუბნებში ტყის ხანძარს ებრძვიან.
ხელისუფლების გადაწყვეტილებით, ახლოს მდებარე დასახლებებიდან მოსახლეობის ევაკუაცია განხორციელდა.
ხანძარს ასევე ებრძვიან საბერძნეთის ორ უდიდეს კუნძულზე, სამხრეთით მდებარე კრეტაზე და ათენის ჩრდილოეთით მდებარე ევბეაზე. ასევე კრეტის ჩრდილო-დასავლეთით მდებარე კუნძულ კიტერაზე.
ხანძრის სალიკვიდაციო სამუშაოებში 335 მეხანძრე, 19 თვითმფრინავი და 13 ვერტმფრენია ჩართული.
ბერძნული მედიის ინფორმაციით, ბოლო 24 საათის განმავლობაში ქვეყნის მასშტაბით 52 ხანძარი გაჩნდა.
კომენტარები