აშშ-ის სახელმწიფო მდივანმა, მარკო რუბიომ განაცხადა, რომ „პრეზიდენტი დონალდ ტრამპი კარგავს მოთმინებას და სურვილს, განაგრძოს რუსეთთან მიმართებაში ნაბიჯების გადადგმა უკრაინაში ომის დასასრულებლად. რუბიომ ეს განცხადება Fox News-ის ეთერში გააკეთა.
რუბიომ გაიხსენა ტრამპის სატელეფონო საუბრები რუსეთის პრეზიდენტთან, ვლადიმერ პუტინთან, რომლებიც, მისი თქმით, უშედეგოდ დასრულდა.
„ის კარგავს მოთმინებას, კარგავს სურვილს, გააგრძელოს რუსეთის მხრიდან ამ ომის დასრულებისთვის რაიმეს ლოდინი. ეს მისი ომი არ არის, მაგრამ სურს, რომ ის დაასრულოს“, – აღნიშნა სახელმწიფო მდივანმა.
რუბიოს თქმით, რუსეთი მხოლოდ დროს აჭიანურებს.
„დონალდ ტრამპი არ დაუშვებს, რომ ამ ხაფანგში გაებას. ის არ აპირებს დაუსრულებლად საუბარს“, – განაცხადა რუბიომ.
კომენტარები