გერმანიის სამხრეთით, რკინიგზაზე მომხდარ ავარიას სულ მცირე 3 ადამიანი ემსხვერპლა, 34 კი დაშავდა. მათგან სამის მდგომარეობა მძიმეა.
მატარებელი, რომელიც ზიმარინგენიდან ულმის მიმართულებით მოძრაობდა ქალაქ რიდლინგენთან რელსებიდან გადავიდა. ამის მიზეზი კი სავარაუდოდ ლიანდაგზე ჩამოწოლილი მეწყერი გახდა – მანამდე რეგიონში ძლიერი შტორმი და კოკისპირული წვიმა დაფიქსირდა.
ადგილობრივი მედიის ცნობით, მატარებლის წინა ნაწილი რელსებიდან მარცხნივ გადავიდა, რის შემდეგაც ვაგონები დაახლოებით 5 მეტრის მანძილზე გადაადგილდა და ხეებს შეეჯახა. მატარებელში ამ დროს 100-მდე მგზავრი იმყოფებოდა.
კომენტარები