ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი განაგრძობს ჰუმანიტარული დახმარების მიწოდებას ღაზაში.
„„ჰამასის“ განადგურების მიზნისკენ და ჩვენი მძევლების გათავისუფლებისკენ ჩვენ პროგრესს ვაღწევთ საბრძოლო მოქმედებებში და ვაწარმოებთ მოლაპარაკებებს. განვაგრძობთ ბრძოლას, განვაგრძობთ მოქმედებას იქამდე, ვიდრე ყველა ჩვენს მიზანს არ მივაღწევთ, სრულ გამარჯვებამდე“, – აღნიშნა ისრაელის პრემიერ-მინისტრმა.
ცნობისთვის, მანამდე ისრაელმა ღაზის გარკვეულ ტერიტორიებზე 10-საათიანი ჰუმანიტარული პაუზა გამოაცხადა. მედიის ცნობით, ჰუმანიტარული პაუზა ყოველდღიურად, დილის 10:00 საათიდან 20:00 საათამდე იმოქმედებს და მჭიდროდ დასახლებულ რაიონებში ჰუმანიტარული დერეფნების მოსაწყობად საბრძოლო მოქმედებები შეწყდება. ამავდროულად, იორდანიამ და არაბეთის გაერთიანებულმა საამიროებმა ღაზის სექტორში საჰაერო ბურთის საშუალებით ჰუმანიტარული ტვირთის პირველი პარტია ჩაიტანეს.