ტაილანდისა და კამბოჯის ლიდერები ცეცხლის დაუყოვნებლივ და უპირობო შეწყვეტაზე შეთანხმდნენ. შესაბამისი განცხადება მალაიზიის პრემიერ-მინისტრმა ანვარ იბრაჰიმმა მოლაპარაკებების შემდეგ გააკეთა, რომლებიც მის რეზიდენციაში გაიმართა.
მოლაპარაკებები დადებითად შეაფასეს კამბოჯის პრემიერმა ჰუნ მანეტმა და ტაილანდის მინისტრთა კაბინეტის ხელმძღვანელის მოვალეობების შემსრულებელმა პჰუმტჰამ ვეჩაიაჩაიმ.
ცეცხლის შეწყვეტის შესახებ შეთანხმება ძალაში 29 ივლისს, 00:00 საათზე შევა.
ტაილანდსა და კამბოჯას შორის საზღვარზე ბრძოლები ხუთშაბათს დაიწყო, მას შემდეგ რაც ორი ტაილანდელი ჯარისკაცი ნაღმის აფეთქების შედეგად დაიღუპა. ოფიციალური ბანგკოკი ამტკიცებს, რომ ნაღმი კამბოჯელების მიერ იყო დამონტაჟებული. კონფლიქტს უკვე 30-ზე მეტი ადამიანი ემსხვერპლა, მათ შორი 20 მშვიდობიანი მოქალაქე.