აშშ-ის პრეზიდენტი დონალდ ტრამპი რუსეთისთვის ცეცხლის შესაწყვეტად მიცემული 50-დღიანი ვადის შემცირებას გეგმავს.
როგორც პრეზიდენტმა შოტლანდიაში, დიდი ბრიტანეთის პრემიერ-მინისტრთან, კირ სტარმერთან პირისპირ შეხვედრის დაწყებამდე მედიასთან განაცხადა, ის ძალიან იმედგაცრუებულია რუსეთის პრეზიდენტით.
ტრამპი აცხადებს, რომ 10-12 დღეში დაასახელებს ახალ ვადას.
„მე ბევრჯერ ვისაუბრე პუტინთან. ყოველთვის კარგი ურთიერთობა მქონდა მასთან. ხუთჯერ თუ ოთხჯერ ვისაუბრეთ. ვფიქრობდით, რომ მოვაგვარეთ. შემდეგ კი პრეზიდენტი პუტინი გამოდის და იწყებს რაკეტების გაშვებას რომელიმე ქალაქისკენ, მაგალითად, კიევისკენ და ხოცავს უამრავ ადამიანს ხანდაზმულთა სახლში იქნება თუ სხვაგან. ქუჩებში ცხედრებია. მე ვთქვი, რომ ეს ასე არ კეთდება. ძალიან იმედგაცრუებული ვარ პრეზიდენტ პუტინით. ვაპირებ, შევამცირო 50 დღე, რომელიც მას მივეცი, რადგან ვფიქრობ, უკვე ვიცი პასუხი, თუ რა მოხდება“, – განაცხადა ტრამპმა.