უნგრეთის პრემიერ-მინისტრმა, ვიქტორ ორბანმა მკაცრად გააკრიტიკა ევროკომისიის პრეზიდენტი, ურსულა ფონ დერ ლაიენი და მას „მსუბუქი წონის“ მომლაპარაკებელი უწოდა, აშშ-სა და ევროკავშირს შორის გაფორმებული სავაჭრო შეთანხმების ფონზე.
შეთანხმების მიხედვით, აშშ დააწესებს 15-პროცენტიან ტარიფებს ევროკავშირის უმეტეს იმპორტზე, ხოლო ბრიუსელი დაჰპირდა ამერიკული ენერგორესურსების შეძენას.
„ეს არ იყო შეთანხმება, რომელიც პრეზიდენტმა დონალდ ტრამპმა ურსულა ფონ დერ ლაიენთან დადო – ეს იყო დონალდ ტრამპი, რომელმაც ურსულა ფონ დერ ლაიენი საუზმეზე მიირთვა“, – აღნიშნა უნგრეთის პრემიერ-მინისტრმა.
ორბანმა დასძინა, რომ აშშ-სა და დიდი ბრიტანეთის შეთანხმება ბევრად უკეთესია, ვიდრე ის, რაც ევროკავშირმა მიიღო.
კომენტარები