ევროკავშირი ვერ შეძლებს აშშ-ის ეკონომიკაში 600 მილიარდი დოლარის ინვესტირების დაპირების შესრულებას- ამის შესახებ Politico ევროკავშირის ანონიმურ ოფიციალურ პირებზე დაყრდნობით იტყობინება.
„ევროკავშირმა აღიარა, რომ მას არ აქვს უფლებამოსილება, შეასრულოს აშშ-ში 600 მილიარდი დოლარის ინვესტირების დაპირება, შოტლანდიაში სავაჭრო მოლაპარაკებებზე დადებული პირობიდან სულ რამდენიმე საათში. ეს იმიტომ ხდება, რომ თანხა მთლიანად კერძო სექტორის ინვესტიციებიდან იქნება, რომელზეც ბრიუსელს არანაირი უფლებამოსილება არ აქვს“, – ნათქვამია გამოცემაში.
ევროკომისიის ანონიმურმა მაღალჩინოსანმა განმარტა, რომ ევროკავშირს არ შეუძლია გარანტია, რომ ინვესტიცია განხორციელდება, რადგან ეს დამოკიდებულია კერძო კომპანიების განზრახვებზე. სხვა წყაროს თანახმად, შეთანხმებული ინვესტიციის ოდენობა ეფუძნება სხვადასხვა ბიზნეს ასოციაციებთან და კომპანიებთან დეტალურ განხილვებს. ექსპერტები სკეპტიციზმით შეხვდნენ აშშ-ში ევროკავშირის კერძო სექტორის ინვესტიციების იდეას