ბრაზილიაში, 22 წლის ცნობილი ბლოგერი, კამილა ტრევისოლი, ძვლის იშვიათი სიმსივნისგან გარდაიცვალა. ინფორმაციას dailymail-ი ავრცელებს.
მედიის ინფორმაციით, ბლოგერი ბრაზილიის მასშტაბით როდეოებზე გამოსვლით იყო ცნობილი.
ბლოგერი სოციალურ ქსელში ბოლო პოსტი გამოქვეყნებიდან რამდენიმე საათში გარდაიცვალა. მან ვიდეოში გამომწერებს აუხსნა, რომ ეს მისი ბოლო ვიდეო იყო და აღიარა, რომ ტკივილს გრძნობდა და სუნთქვა უჭირდა.
ტრევისოლს კიბო პირველად 2016 წელს დაუდგინდა, როდესაც ექიმთან ფეხის ტრავმის სამკურნალოდ მივიდა, რომელიც ფეხბურთის ბურთის დარტყმის შემდეგ მიიღო. მან ქიმიოთერაპია გაიარა და 2017 წლისთვის კიბო განიკურნა. 2023 წელს კი იუინგის სარკომა დაუდგინდა. ეს არის დაავადების აგრესიული ფორმა, რომელიც ძვლის ქსოვილს აზიანებს.
კომენტარები