პარლამენტის თავმჯდომარე შალვა პაპუაშვილი ბრაზილიის ფედერაციული რესპუბლიკის პარლამენტის – ეროვნული კონგრესის ქვედა, დეპუტატთა პალატის თავმჯდომარე ჰიუგო მოტას შეხვდა.
შალვა პაპუაშვილმა აღნიშნა, რომ ბრაზილია ლათინური ამერიკის რეგიონში საქართველოს მნიშვნელოვანი პარტნიორია და ერთადერთი ქვეყანაა ლათინურ ამერიკაში, რომელსაც გახსნილი აქვს საელჩო საქართველოში, რაც ორ ქვეყანას შორის მეგობრულ კავშირებზე მეტყველებს.
შეხვედრაზე განიხილეს საქართველოსა და ბრაზილიას შორის ორმხრივი ურთიერთობები ვაჭრობისა და ეკონომიკის, ბიზნესისა და განათლების მიმართულებებით.
მხარეებმა, ასევე, ისაუბრეს საპარლამენტო ურთიერთობებზე, მათ შორის, მეგობრობის ჯგუფებს შორის კავშირების გაღრმავებაზე. ხაზი გაესვა საქართველოს საპარლამენტო დელეგაციის ბრაზილიაში დაგეგმილ ვიზიტს.
დეპუტატთა პალატის თავმჯდომარემ შალვა პაპუაშვილი ოფიციალური ვიზიტით ბრაზილიაში მიიწვია.
შეხვედრა შედგა ქ. ჟენევაში მიმდინარე პარლამენტის თავმჯდომარეთა მეექვსე მსოფლიო კონფერენციის ფარგლებში. პარლამენტის თავმჯდომარესთან ერთად, ღონისძიებაში მონაწილეობას იღებს საგარეო საქმეთა კომიტეტის თავმჯდომარე ნიკოლოზ სამხარაძე.