პოლიტიკური ბრძოლა ბიძინა ივანიშვილისა და მისი ოჯახის წინააღმდეგ, – ასე აფასებენ მმართველ გუნდში „ტვ პირველის“ მიერ გავრცელებულ დეზინფორმაციას, თითქოს ბიძინა ივანიშვილი ფინანსურ ინსტიტუტს ქონების გადასამალად იყენებს და თითქოს ბანკი „ქართუ“ არაგამჭვირვალედ მუშაობს და თითქოს ბანკის მართვაში, ივანიშვილების ოჯახი დღემდე ჩართულია.
„ეს არის ჩვეულებრივი პოლიტიკური ბრძოლა ბატონი ბიძინა ივანიშვილის და მისი ოჯახის წინააღმდეგ, იმიტომ რომ ყველა ხედავს – ერთი მხრივ, არის უნიკალური საქველმოქმედო საქმიანობა, რომელსაც ფონდი „ქართუ“ აწარმოებს საქველმოქმედო ფონდთან და მეორე მხრივ, ამ საქველმოქმედო საქმიანობის დაზიანებისთვის ეს დეზინფორმაციული კამპანია, ასევე, ბიძინა ივანიშვილისთვის და მისი ოჯახისთვის სახელის შეურაცხყოფისთვის. რა თქმა უნდა, ამ ტიპის ცილისმწამებლურ დეზინფორმაციას უნდა გაეცეს სამართლებრივი პასუხი“, – განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა.
„ქართუ ბანკი“ „ტვ პირველისგან“ დეზინფორმაციისა და ცილისწამების უარყოფას ითხოვს.