რუსეთის უსაფრთხოების საბჭოს თავმჯდომარის მოადგილე დიმიტრი მედვედევი აშშ-ის პრეზიდენტის, დონალდ ტრამპის კრიტიკას პასუხობს.
მედვედევის თქმით, რუსეთის ყოფილი პრეზიდენტის ზოგიერთი სიტყვა ასეთ ნერვიულ რეაქციას თუ იწვევს აშშ-ის ძლიერ პრეზიდენტში, ეს ნიშნავს, რომ რუსეთი ყველაფერში მართალია და საკუთარი გზით გააგრძელებს სიარულს.
მედვედევმა ასევე უპასუხა ტრამპის სიტყვებს ინდოეთისა და რუსეთის „მკვდარი ეკონომიკის“ შესახებ და თეთრი სახლის ხელმძღვანელს ურჩია, გაეხსენებინა მისი საყვარელი ფილმები მოსიარულე მკვდრების შესახებ.
ცნობისთვის, აშშ-ის პრეზიდენტმა, დონალდ ტრამპმა 28 ივლისს გამოაცხადა, რომ რუსეთსა და უკრაინას შორის ცეცხლის შეწყვეტის შეთანხმების მისაღწევად დადგენილ 50-დღიან ვადას ამცირებს. დიმიტრი მედვედევმა ამ განცხადების პასუხად თეთრი სახლის ხელმძღვანელს მოუწოდა, ახსოვდეს, რომ რუსეთი ისრაელი არ არის და ყოველი ახალი ულტიმატუმი ომისკენ გადადგმული ნაბიჯია. ამასთან, ტრამპმა მედვედევი გააფრთხილა, რომ ის ძალიან სახიფათო ტერიტორიაზე შედის.