სირია დაინტერესებულია რუსეთის მონაწილეობით ქვეყნის ერთიანობის აღდგენის პროცესში, – ამის შესახებ სირიის საგარეო საქმეთა მინისტრმა, ასაად ალ-შაიბანიმ რუსეთის საგარეო საქმეთა მინისტრთან, სერგეი ლავროვთან შეხვედრის დროს განაცხადა.
სირიის საგარეო უწყების ხელმღვანელის თქმით, სირიის ხელისუფლება ამჟამად მუშაობს ქვეყანაში ბოლო დროს განვითარებულ მოვლენებსა და რეგიონში არსებულ ვითარებასთან დაკავშირებული გამოწვევების დასაძლევად.
„მიმდინარე პერიოდი სავსეა სხვადასხვა გამოწვევითა და საფრთხით, მაგრამ ეს ასევე შესაძლებლობაა ერთიანი, ძლიერი სირიის ასაშენებლად. და, რა თქმა უნდა, ჩვენ დაინტერესებული ვართ, რომ რუსეთი ამ გზაზე ჩვენთან იყოს. ახლა ჩვენ ვმუშაობთ სირიელი ხალხის გაერთიანების უზრუნველსაყოფად, როგორც ქვეყნის შიგნით, ასევე მის ფარგლებს გარეთ“, – აღნიშნა ასაად ალ-შაიბანიმ.
თავის მხრივ, რუსეთის საგარეო საქმეთა მინისტრმა განაცხადა, რომ მოსკოვის სურვილია, სირიელმა ხალხმა, რომელთანაც დიდი ხნის მეგობრობა აკავშირებს, გადალახოს ყველა არსებული გამოწვევა და სრულად ნორმალიზდეს ვითარება.
„ვიმედოვნებთ, პრეზიდენტი აჰმედ ალ-შარაა შეძლებს, მონაწილეობა მიიღოს რუსეთ-არაბული ლიგის პირველ სამიტში, რომელიც 15 ოქტომბერს არის დაგეგმილი“, – აღნიშნა სერგეი ლავროვმა.