საუდის არაბეთში, ტაიფში ატრაქციონი შუაზე გადატყდა მაშინ, როდესაც მასზე ადამიანები ისხდნენ. ინციდენტი გასართობ პარკ „მწვანე მთაში“ მოხდა.
ატრაქციონს „360“, რომელიც ქანქარის პრინციპით მუშაობს და 180 გრადუსის კუთხით ქანაობს, საყრდენი გაუტყდა. ნაწილი, რომელზეც სკამები იყო დამონტაჟებული, სიმაღლიდან დაეცა, რა დროსაც რამდენიმე ადამიანი სავარძლიდან ამოვარდა. წინასწარი მონაცემებით, 23 ადამიანი დაშავდა, სამი მათგანი მძიმე მდგომარეობაშია.
მომხდარის მიზეზების დასადგენად დაწყებულია გამოძიება.
კომენტარები